中環開了一間JAZZ CLUB，久聞其名，但還未到那裡光顯過，做外匯的黃米高笑說我是爵士樂的運兵，在電話裡他調侃我，「你都唔去幫襯，怪唔得彈JAZZ嘅LlVE HOUSE喺香港開一間執一間！」

被他這樣說真是冤枉，我反駁道：「又唔見怡東嘅DlCKENS BAR執笠，佢開咁耐，我去咁耐，唔好話我唔支持本地樂壇呀！」

其實我以前很多時在蘭桂坊出入，工作、吃飯、娛樂都在那裡，所以要說蘭桂坊的擁護者，我是第一代。近年那裡弄到興盛得來有點名過其實，而且成為遊客重點，連台北人也說要來，看看跟紐約格林連治村有甚麼分別，便實在令人尷尬。如果台北朋友花五分鐘時間看完蘭桂坊之後對你說：「就這樣子嗎！？」你是否還要死硬地解釋。我怕遇到這般情形，所以我也怕去蘭桂坊。在六四之後，一直未見過米高，所以他今次約我HAPPY HOUR在JAZZ CLUB見面，能夠避免見到那些在晚上才出動的「靚人」，我便答應他定的見面的「地點。

米高工作的金融公司是台灣資本，早些時那邊的地下銀行被人擠提，攪到要停止「出金」那麼嚴重，我第一句便問他公司的危機怎麼樣。「乜嘢危機啊！都唔知幾穩陣，我哋公司喺中東第十五號油井而家開始出嘢，啲銀紙流到通處都係，邊度怕人擠提。」

近兩三年，米高都是我的投資顧問和會計主任，甚麼錢都是他替我賺的和虧的，他長年埋首於電腦研究賺錢策略，我則任何工夫都沒有做，平時虧了本只會亂說他研究無力，但他任勞任怨，一直接受批評，而他的信心從未消失其實也是奇蹟。不過基金公司百萬元年薪的經理在這兩年都全無表現，一樣難逃接二連三的劫數，可知米高的研究成績其實也不會落在專家之後。近一年，米高棄股票而轉投外匯，叫我也跟進，一來避過早些時很長很悶的牛皮市以及六四的災難性政冶市，二來也在外匯買賣中有所收穫，幫助我搶回一些失地。

「我手上★住果啲錢，你覺得有乜嘢好做？」我問。

「乜都唔好做，最好都係擺晒喺外國。」米高說。

「我見你仲攞啲錢炒緊喎！」

「我瞓晒身都係雞碎咁多錢，所以仲要賭多幾鋪先至走，你就唔同，財主佬，手上面有一百幾十粒就唔好再玩，都係早啲擺喺外國穩陣啲。」米高的看法顯然悲觀。

「你早排唔係咁諗喎！」我笑他。

「六月四號北京大屠殺我仲未化，不過我而家都真係化。我本PASSPORT到期，走去換，竟然排晒長籠，朝頭早七點鐘去排，都係輪到個籌仔，要排期再去過，真係唔知乜嘢世界。我家姐喺新加坡果便入咗籍，早排佢叫我香港攞紙去試吓申請，果朝早我走去排隊，申請表派晒，幾乎攪到暴動，新加坡咁嘅三等國家，都攪到香港立立亂，你話住喺香港仲有乜前途。」

米高的話令我愈聽愈心寒，不過香港確有些人很努力去恢復香港人的信心。我說：「而家果個R.O.A.D.（路）組織出嚟攪吓，香港應該仲有得玩喎。」

「我而家學曉，呢啲叫做主觀嘅願望。唔係有人攪嘢就可以改變現實。今次有成十幾萬人報名去讀公開進修學院，香港人突然之間咁好學，你話係咪好奇。香港而家真係唔知發生咩事，個個人都變得不可理喻。好多勢估唔到嘅嘢都會發生。」

「你覺得最壞，最惡劣，最估唔到會發生乜嘢？」我有意考驗一下米高分析資科和思考的成績。

「大概兩件事。朝頭早瞓醒覺，見到五星旗，紅綠燈停晒，解放軍企喺馬路中心指揮交道。另一件事，去匯豐銀行提款冇錢攞，浮係收到張1.O.U.」。

「香港會唔會攪到咁大鑊呀！」

「好難講。港督會同行政立法兩局議員開會，五點鐘有決定，第二朝就也都可以變晒。歐美好多文明先進國家都有發生過呢種事。趁香港仲有自由，你有百幾粒身家就快啲轉去外國，無謂再喺香港呢潭死水去混。」

「咁而家外國有邊度係好路數？」

「有大把。我哋公司有路數，美國、歐洲、日本、泰國、菲律賓、南韓、中東度度都有好路數，話咁易就將你啲錢轉晒去外國，……。」

認識黃米高多年，今次突然覺得他變成另一個人，實在不明所以，或者正如他說，世事變化好難講，六四之後，香港人患精神病的人大增，我不知黃米高是否其中一個。

#####

[ #1989 #張氏起居注 ]